Ölkə prezidenti İlham Əliyevin imzaladığı sərəncamla Arif Əzizov “Şöhrət” ordeni ilə təltif olunub.
Elchi.az-ın xəbərinə görə, sərəncamda deyilir:
“Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:
Azərbaycan təsviri sənətin inkişafında xidmətlərinə görə Arif Möhübəli oğlu Əzizov “Şöhrət” ordeni ilə təltif edilsin.
Ölkə prezidentinin digər sərəncamı ilə Azərbaycan mədəniyyətinin inkişafı və təbliğində xidmətlərinə görə Fərhad Ağa Səlim oğlu Babayev “Şöhrət” ordeni ilə təltif edilib.
