ABŞ prezidenti Barak Obama amerikalı əsgərlərin Elvis Presli kimi xidmətdən evə limuzinlə geri dönməsini istəyərdi.ANS PRESS-in məlumatına görə, Ağ Evin saytında yazılan xəbərdə Obamanın Nyu-Cersi ştatındakı hərbi bazada əsgərlər qarşısında çıxış edərkən bu arzusunu dilə gətirdiyi yazılıb.
“Ordudan təxris olunmuş hərbçilər arasında Tenessidən əsgər vardı. Seriya nömrəsi 53310761 idi. Bu oğlanı serjant Elvis Presli deyə çağırırdılar. Onun burada xidmət etməsi hər kəs üçün önəmli hadisə idi. Düzdür, onun evinə qayıdışı sizinki kimi olmadı.
Rok-n-rollun kralı əlbətdə ki, evinə limuzinlə geri döndü. Əgər məndən asılı olsaydı, evinizə qayıtmaq üçün sizin hər birinizə limuzin verərdim” – deyə Obama bildirib.
