PSJ yayda “Benfika”dan şərti alış opsiyonu ilə icarəyə götürdüyü portuqaliyalı hücumçu Qonçalo Ramosun transfer haqqının alındığını açıqlayıb.
Elchi.az xəbər verir ki, Fransa Liqa 1 komandalarından Paris Saint-Germain, mövsümün əvvəlində Portuqaliya Benfikasından icarə əsasında heyətinə qatdığı ulduz futbolçu Qonçalo Ramosun transfer haqqının alındığını açıqlayıb.
Fransız nəhəngi portuqaliyalı hücumçu üçün “Benfika”ya 65 milyon avro transfer haqqı ödəyəcək və əlavə olaraq 15 milyon avroya qədər bonus ödənişi də edilə bilər.
4,5 illik müqavilə imzalanan 22 yaşlı gənc hücumçu PSJ-də indiyədək 15 matça çıxıb və meydanda keçirdiyi 741 dəqiqəyə 2 qol və 1 məhsuldar ötürmə verə bilib.
Üç mövsüm məşq etdiyi “Benfika”nın A komandasında çıxış edən Qonçalo Ramos 106 matçda 41 – 16 məhsuldar ötürmə edib.
Benfikadakı çıxışı ilə Portuqaliya Millisinə yüksələn Qonçalo Ramos xüsusilə Qətərdə keçirilən 2022 Dünya Çempionatında vurduğu 3 qol – 1 məhsuldar ötürmə ilə diqqət çəkib və PSJ-yə transfer olunub.
İndiyədək milli forma ilə 10 matça çıxan Ramos 7 qol vurub və 2 məhsuldar ötürmə edib.
Nuranə Məmmədova
