Beynəlxalq “Fitch” agentliyi bildirir ki, Bayden administrasiyası borc tavanı ilə bağlı problemi həll etməsə, ABŞ-ın kredit reytinqi aşağı düşəcək. Agentlik artıq milli iflas təhlükəsini əsas gətirərək, proqnozunu mənfiyə endirib.
Elchi.az Vesti.ru-ya istinadən xəbər verir ki, “Bloomberg”-ə görə, ABŞ-ın defoltu qlobal resessiyaya səbəb ola bilər.
“Görünür, insanlar bununla barışmağa başlayırlar, ya da ciddiliyini tam başa düşmürlər. Yaxşı, orada müxtəlif ssenariləri nəzərdən keçirirlər – sonra nəyisə bükə, sökə biləcəklər, amma bu, fəlakətlidir. Hətta burada reputasiya itkiləri istənilən maliyyəni üstələyir”, -deyə VGTRK-nin ABŞ-dakı müxbiri Valentin Boqdanov bildirib.
Boqdanov xatırladıb ki, Amerikanın tarixində heç vaxt defolt olmayıb:
“Dollar yəqin ki, heç vaxt indiki kimi reputasiya baxımından zəif olmayıb. Və bütün bunlar de-dollarizasiya dediyimiz prosesin aşağı tendensiyasında baş verir”.
Boqdanovun fikrincə, de-dollarizasiya Amerika mərkəzli sistemin dağıdılmasını sürətləndirəcək:
“ABŞ defolt etməyəcəyini desə də, Amerika o qədər qütbləşib ki, onda hər şey ola bilər”,-deyə jurnalist fikirlərini yekunlaşdırıb.
Qeyd edək ki, son zamanlar getdikcə daha çox iqtisadçı Ağ Ev və Konqres arasında danışıqların necə bitməsindən asılı olmayaraq, ABŞ fond bazarının qızışmağa başlayacağını düşünməyə meyllidir.
Amerikanın dövlət borcu yanvarda 31 trilyon 400 milyard dollar həddinə çatıb. ABŞ prezidenti Co Bayden borclanma limitinin daha da artırılmasını tələb edir. Amma respublikaçılar qəti şəkildə imtina edir və büdcə xərclərini azaltmaqda israrlıdırlar. Proqnozlara görə isə ABŞ-da defolt iyunun 1-də baş verə bilər.
Yeganə
