Rusiya prezidenti Vladimir Putin bəzi keçmiş xarici dövlət başçılarına, eləcə də xarici hökumət başçılarına Milad bayramı və Yeni il münasibətilə təbriklərini çatdırıb.
Elchi.az xəbər verir ki, bu barədə Kremlin mətbuat xidmətinin cümə günü, dekabrın 30-da verdiyi məlumata görə, Rusiya lideri xüsusilə Angela Merkeli, Gerhard Şröderi, Silvio Berluskoni, Robert Köçəryanı, Nursultan Nazarbayevi və Serj Sarkisyanı təbrik edib.
Eyni zamanda qeyd edilir ki, dövlət başçısı ABŞ və Fransa prezidentləri Co Bayden və Emmanuel Makronu, həmçinin Almaniya kansleri Olaf Şolsu təbrik etmək niyyətində deyil. “Bu həmkarlarımız özləri təbrik göndərmirlər. Hazırda onlarla praktiki olaraq heç bir əlaqəmiz yoxdur”, – deyə məlumatda bildirilir.
Bu arada, Macarıstanın baş naziri Viktor Orbana ünvanlanan təbrikdə “ağır beynəlxalq vəziyyətə baxmayaraq, ölkələr arasında münasibətlərin müsbət tendensiya qorunduğu” qeyd edilib.
Bundan əlavə, Putin Abxaziya, Azərbaycan, Macarıstan, Venesuela, Vyetnam, Hindistan, Ermənistan, Belarus, Qazaxıstan, Qırğızıstan, Tacikistan, Türkmənistan, Özbəkistan, Cənubi Osetiya, Boliviya, Braziliya, Çin, Kuba, Nikaraqua, Serbiya, Suriya, Türkiyə liderlərini təbrik edib.
Şayəstə
