Rusiya prezidenti Vladimir Putin, bundan öncəki ölkə başçısı Dmitri Medvedyev Dağlıq Qarabağ ətrafındakı rayonların azad olunması yolu ilə münaqişə bölgəsində gərginliyin azaldılmasına dair müxtəlif təkliflər irəli sürüblər.
Bu barədə Rusiya xarici işlər naziri Sergey Lavrov Bakıda “TASS” agentliyinin baş direktorunun müavini Yuri Qusmana müsahibəsində bildirib.
“Qarabağ ətrafındakı rayonların azad olunması ilə bağlı müxtəlif ideyalar irəli sürülüb. Detalları açıqlamayacağam, lakin bir neçə variant hələ də danışıqlar masasındadır. Ötən gün Azərbaycan prezidenti İlham Əliyevlə görüş zamanı bu məsələ ətrafında fikir mübadiləsi apardıq”,- deyə Lavrov qeyd edib.
