Rusiya prezidenti Vladimir Putin martın 15-17-də keçiriləcək prezident seçkiləri ərəfəsində ruslara videomüraciət edib.
Elchi.az xəbər verir ki, dövlət başçısı ölkə vətəndaşlarını səsvermədə iştirak etməyə çağırıb.
“Birgə irəliləmək üçün birliyimizi və qətiyyətimizi təsdiq etmək lazımdır. Səsinizin hər biri dəyərli və əhəmiyyətlidir. Ona görə də sizi növbəti üç gündə səsvermə hüququnuzdan istifadə etməyə çağırıram”, – Putin bildirib.
Dövlət başçısı əlavə edib ki, hər bir şəhər, qəsəbə və kənddə seçki məntəqələri açılacaq. “Əziz dostlar! Biz hamımız, çoxmillətli Rusiya xalqı bir böyük ailəyik.
“Biz hər şeyi tam istədiyimiz kimi edəcəyik. Ona görə də sizdən xahiş edirəm, seçkilərə gəlib vətəndaş və vətənpərvər mövqeyinizi ifadə edəsiniz, seçdiyiniz namizədə, sevimli Rusiyanın uğurlu gələcəyinə səs verəsiniz”, – dövlət başçısı müraciət edib.
Putin xatırladıb ki, səsvermə martın 15-də başlayacaq və üç gün davam edəcək. O qeyd edib ki, Rusiyada prezident seçkiləri artıq səkkizinci dəfə keçirilir və bu, “demokratik dövlətin əsas prinsiplərindən birinin toxunulmazlığını göstərir”.
Nuranə Məmmədova
