Rusiya prezidenti Vladimir Putin prezident seçkilərində qalib gəldikdən sonra sabah and içəcək və yeni dövrdə səlahiyyətlərinin icrasına başlayacaq. Bu, Putinin 5-ci andı olacaq.
Elchi.az xəbər verir ki, Putin beşinci dəfə and içməyə hazırlaşır.
Rusiyada mart ayında keçirilən prezident seçkilərində 77,49 faiz iştirakla 87,28 faiz səs toplayan Putin, mayın 7-də Kreml sarayında keçiriləcək mərasimdə and içəcək və 6 il daha vəzifəsini davam etdirəcək.
Putin and içdikdən sonra indiki hökumət də istefa verəcək. 2020-ci ildə edilən konstitusiya dəyişikliyinə uyğun olaraq, yeni hökumət indi Rusiya parlamentinin təsdiqi ilə fəaliyyətə başlayacaq.
Putin andiçmə mərasimindən sonra baş nazirliyə namizədi yeni hökumətin formalaşdırılması üçün Rusiya parlamentinin aşağı palatası Dumada parlament üzvlərinin təsdiqinə təqdim edəcək. Parlamentin baş nazirliyə namizədi qəbul etmək və ya rədd etmək səlahiyyəti var. Deputatlar baş nazirliyə namizədi üç dəfə rədd edərsə, bu dəfə Putin parlamentin təsdiqinə ehtiyac olmadan birbaşa baş naziri təyin edə biləcək. Belə olan halda Putinin parlamenti buraxmaq və yeni parlament seçkiləri keçirmək hüququ olacaq.
Şayəstə Hüseynova
