Ukrayna Rusiya rəhbərliyi tərəfindən edilən təcavüzə görə xüsusi tribunal yarada bilər.
Elchi.az xəbər verir ki, bu barədə beynəlxalq hüquqşünas, Ukraynanın Beynəlxalq Ədalət Məhkəməsindəki agenti, Ukrayna Xarici İşlər Nazirliyinin xüsusi tapşırıqlar üzrə səfiri Anton Korineviç məlumat verib.
Onun sözlərinə görə, AŞPA, NATO PA və Avropa Parlamenti tərəfindən qətnamələrin qəbulundan sonra Ukrayna iyulun əvvəlində ATƏT-dən analoji qərar gözləyir.
“Bu, fərdi cinayət məsuliyyəti olacaq. Beynəlxalq cinayətlər dövlətin mücərrəd birləşmələri tərəfindən deyil, konkret şəxslər tərəfindən törədilir. Rusiya Federasiyasının bir dövlət kimi məsuliyyəti üçün Beynəlxalq Ədalət Məhkəməsi var. Bu gün Rusiya hakimiyyətinin başında duran Putinin məhkəməyə çıxması üçün əlimizdən gələni edəcəyik”, – vəkil bildirib.
