Rusiya prezidenti Vladimir Putin və Şimali Koreya lideri Kim Çen In arasında görüş Uzaq Şərqdə baş tutacaq.
Elchi.az “RİA Novosti”yə istinadən xəbər verir ki, bu barədə Kremlin sözçüsü Dmitri Peskov jurnalistlərə bildirib.
O, ölkə liderlərinin başçılıq etdiyi iki nümayəndə heyəti arasında danışıqların baş tutacağını, bundan əlavə, təkbətək ünsiyyətin, həmçinin Putinin adından Kim Çen Inın şərəfinə rəsmi şam yeməyinin veriləcəyini açıqlayıb.
Prezidentin mətbuat katibinin sözlərinə görə, regiondakı vəziyyətlə bağlı zəngin fikir mübadiləsi aparılacaq və tərəflər ikitərəfli münasibətləri də müzakirə edəcəklər.
Bununla belə, heç bir mətbuat konfransı planlaşdırılmır, Peskov yekunlaşdırıb.
Bundan əvvəl Şimali Koreyanın dövlət radiosu “Koreyanın səsi” KXDR liderinin sentyabrın 10-da Pxenyandan Rusiyaya gedən xüsusi qatarla yola düşdüyünü bildirib.
Nuranə Məmmədova
