Rusiya hökumətinin sədri Dmitri Medvedyev iqtisadi inkişaf naziri Aleksey Ulyukayevə saxlanılmasından xəbərdardır.
TASS xəbər verir ki, Nazirlər Kabinetinin yaydığı məlumata görə, baş nazir artıq bu məsələni prezident Vladimir Putinlə müzakirə edib, həmçinin məsələ ilə bağlı ətraflı araşdırmanın aparılmasını istəyib.
Qeyd edək ki, Rusiyanın iqtisadi inkişaf naziri Aleksey Ulyukayevə qarşı cinayət işi açılıb.
Məlumata əsasən, dünən axşam istintaq əməliyyatı çərçivəsində “Başneft” şirkətinin səhmlərinin 50%-nin alınmasında yardımçı olması üçün iqtisadi inkişaf naziri Aleksey Ulyukayevə “Rosneft” şirkətinin nümayəndələri tərəfindən 2 milyon dollar həcmində rüşvət verildiyi zaman həbs tədbiri həyata keçirilib.
Kremlin mətbuat katibi Dmitri Peskov baş verənləri “RİA Novosti” üçün şərh edərkən, bunun çox ağır ittiham olduğunu, hər şeyin məhkəmədə həll ediləcəyini bildirib.
Qeyd edək ki, Rusiya KİV nazirin bu ilin oktyabr ayında rüşvət almasına görə, istefa ərizəsi yazması barədə məlumat yayıb. Nazirin istefaya Dövlət Dumasında gələn il üçün büdcə müzakirələrindən sonra göndərilməsi gözlənilib.
