“Rusiya Ukraynadan Krımı qoparandan və Donbasda müharibə başlayandan sonra Avropada anlamağa başladılar ki, əgər Rusiya nəhəng Ukrayna ilə belə davrandısa, Ermənistanın Avropa Birliyi ilə assosiativ üzvlük sazişini imzalaması ona qat-qat fəlakətli nəticələr gətirə bilərdi”.
Musavat.com-un məlumatına görə, bu fikir “Aykakan Jamanak” qəzetindəki məqalədəndir. Qəzetin yazdığına görə, Ukrayna böhranının dərinləşməsi avropalı məmurları Ermənistanla əlaqələrin yeni yollarını axtarıb tapmaq zorunda qoyur.
“Ancaq Avropa Birliyi ilə yeni sənədin imzalanması Ermənistandan daha çox, Rusiyadan asılıdır. Əgər Moskva “yox” desə, Serj Sərkisyan hətta ən ziyansız sənədi də imzalamayacaq. Bütün problem də ondadır ki, Ermənistanda çoxlu sayda diplomat var ki, əmindirlər: Rusiya içində nə yazılmasından asılı olmayaraq belə sənədlərin hamısına həmişə “yox” deyəcək” – yazır qəzet.
“O zaman təzədən danışıqlara aparmağa və növbəti dəfə bütün dünyada biabır olmağa dəyərmi?” – deyə nəşr sual edir.
