Rusiya prezidenti Vladimir Putin Zimbabvedən olan həmkarı Emmerson Mnaqaqvaya helikopter hədiyyə edib. Elchi.az xəbər verir ki, bu barədə Afrika ölkəsinin İnformasiya Nazirliyinin “Twitter” hesabında məlumat verilib.
“Prezident Putin Zati-aliləri Prezident Emmerson Dambuzo Mnanqaqvaya vertolyotunu hədiyyə etdi və bu helikopter tezliklə Zimbabveyə çatdırılacaq”, – mətbuat xidməti hadisə yerindən bir neçə fotoşəkili posta əlavə edərək bildirib.
Qeyd olunur ki, dövlət başçılarının görüşü cümə axşamı, iyulun 27-də Sankt-Peterburqda Rusiya-Afrika sammiti çərçivəsində baş tutub.
Qeyd edək ki, bundan əvvəl jurnalistlərin Rusiya prezidenti Vladimir Putinlə görüşündə Zimbabve rəhbəri Emmerson Mnanqaqvanın qeyri-adi aksessuarı ilə diqqət çəkdiyi bildirilib.
Havar Şəfiyeva
