ABŞ Dövlət Departamentinin sözçüsü Psaki, Belarusun paytaxtı Minskdə əldə olunan atəşkəsin başlamasına saatlar qalmış , rus ordusunun Ukrayna hədəflərini bombalamaq üçün Debostavaya çox sayda top, raket batareyası və havadan müdafiə sistemləri gətirməsindən narahatlıq duyduqlarını açıqlayıb.
Avropa.info xəbər verir ki, mətbuat konfransında jurnalistlərin suallarını cavablandıran Psaki, Şərqi Ukraynada təmas xəttində toqquşmaların davam etdiyini qeyd bildirib.
Atəşkəs ərəfəsində bu qarşıdurmaların baş verməsini pis hal kimi kimi qiymətləndirən Psaki, son bir neçə gün ərzində Rusiya sərhədindən çox sayda ağır silah və sursat keçdiyini iddia edib.
“Rus ordusu Ukrayna hədəflərini bombalamaq üçün Debostavaya çox sayda top və raket batareyasını cəlb edib . Bu sursatın separatçılara aid olmadığından və rus ordusuna aid olduğuna əminik. Rus ordusu eyni zamanda Debostava yaxınlarına hava müdafiə sistemləri yerləşdirib. Bunların da separatçılara deyil, rus ordusuna aid olduğundan əminik.”
Bütün bu məlumatların hər hansı bir dövlət və ya qrupdan almadığını deyən Psaki, ABŞ-ın öz xüsusi xidmət orqanlarından aldıqlarını deyib.
Qeyd edək ki, Rusiya prezidenti Vladimir Putin, Almaniya baş naziri Angela Merkel, Ukrayna Dövlət Başçısı Pyotr Poroşenko və Fransa Prezidenti Fransua Oland iki gün öncə, Belarusun paytaxtı Minskdə bir araya gəlmiş gələrək atəşkəs razılaşması əldə ediblər.
