Rusiya prezidenti Vladimir Putin Silvio Berluskoninin ölümü ilə bağlı verdiyi açıqlamada “Hazırda beynəlxalq arenada onun kimi çox az adam var. O, xalqımızın böyük dostu idi”-deyib.
Elchi.az xəbər verir ki, Rusiya prezidenti Putin 86 yaşında dünyasını dəyişən İtaliyanın keçmiş baş naziri Berluskoni ilə bağlı açıqlamasında “Hazırda beynəlxalq arenada onun kimi çox az adam var. O, xalqımızın böyük dostu idi və Rusiya ilə Avropa ölkələri arasında əlaqələrin inkişafı üçün çox işlər görüb. O, Rusiya ilə Şimali Atlantika Alyansı arasında münasibətlərin inkişafına öncülük edib, onun iştirakı ilə müvafiq qarşılıqlı fəaliyyət mexanizmləri yaradılıb”,-deyə bildirib.
Berluskoninin vicdanlı siyasətçi olduğunu dilə gətirən Putin: O, italyan siyasətçisi idi. O, siyasətçi üçün qeyri-adi bir insan idi, çünki o, çox səmimi və açıq idi. Çox heyif. Mən İtaliya xalqına və cənab Berluskoninin bütün yaxınlarına dərin təəssüf hissi və başsağlığı vermək istərdim. “Bu, təkcə İtaliya üçün deyil, həm də dünya siyasəti üçün böyük itkidir”.
Nuranə Məmmədova
