Finlandiya prezidenti Sauli Niinistö ilə Rusiya lideri Vladimir Putin arasında telefon danışığı olub. Söhbət zamanı Sauli Niinistö ölkəsinin NATO-ya üzv olmaq niyyəti barədə məlumat verib.
Elchi.az-ın Ria Novosti-yə istinadən verdiyi xəbərə görə, prezident Niinistö telefon danışığı zamanı xatırladıb ki, hətta 2012-ci ildə onların ilk görüşü zamanı o, prezident Putinə deyib ki, hər bir müstəqil ölkə öz təhlükəsizliyinə cavabdehdir.
Prezident Sauli Niinistö Finlandiyanın yaxın günlərdə NATO-ya üzv olmaq üçün qərar verəcəyini açıqlayıb.
Qeyd edək ki, bundan bir neçə gün əvvəl Putin Finlandiya və İsveçin NATO-ya üzv olmaq istəyinə hədə ilə reaksiya vermişdi.
