Rusiya prezidenti Vladimir Putin özünə yeni təyyarələr alması xəbərləri ilə Qərb mətbuatının gündəminə gəlib.
“Qafqazinfo” maxpark.com-a istinadən xəbər verir ki, prezidentin aviaparkı üçün 2 yeni təyyarə alınıb.
Təyyalərin interyeri isə dəbdəbəlidir. Belə ki, salon yataq, hamam otağı, mətbəxlə təchiz edilib. Burada hətta trenajor zalı da var. Təyyarədəki əksər ləvazimatların və qurğuların ətrafı qızılla işlənib. Putin qonaqları ilə iclas zalında müzakirələr apara, koridordakı dəri divanlarda söhbətləşə də bilər.
Rusiya rəssamlarının bahalı əsərləri, qızıldan olan Rusiya gerbi isə təyyarənin əsas detallarıdır. Bir təyyarənin qiyməti 86 milyon dollar dəyərindədir.
Mütəxəssislər isə bu təyyarələrin səmaya qaldırılan ən dəbdəbəli avialaynerdən olacağını və yalnız ərəb şeyxlərinin təyyarələri ilə müqayisə oluna biləcəyini deyirlər.
