Avropa Liqasının 3-cü təsnifat mərhələsinin cavab matçında “Qəbələ” “Lill”i 1:0 hesabı ilə məğlub edərək adını pley-offa yazdırıb.
Sport7.az yaydığı xəbərə görə, oyundan sonra təşkil edilmiş mətbuat konfransında qonaqların baş məşqçisi Frederik Antonetti juranlistlərin suallarını cavablandırıb.
– Qarşılaşma ilə bağlı nə deyə bilərsiz?
– Hər iki komandanın futbolçuları layiqli mübarizə apardı. Bu, futboldu. Məğlubiyyəti də qəbul etmək lazımdı. Sadəcə, təəssüf hissi keçirirəm.
– Məğlub olacağınızı gözləyirdinizmi?
– “Qəbələ” ilə Fransadakı çətin oyunumuz olmuşdu. Buna görə də rəqibin gücünü nəzərə almışdıq. Ancaq “Qəbələ”nin futbolçularının əziyyətini dəyərləndirmək lazımdı. Onlar bu gün daha güclü idi. Azərbaycan klubuna əhsən!
– Püşkatmanın nəticəsi bəlli olandan sonra “Azərbaycan klubunu rahatlıqla keçə bilərik” deyə düşünməmişdiz?
– “Qəbələ”nin oyunlarını izləmişdim. Rəqibin heyəti güclü futbolçulardan ibarətdi. Buna görə də qələbə qazandılar.
