Tədqiqatçılar müəyyən dozalarda kofeinin ürək çatışmazlığı riskini belə azalda biləcəyini qeyd ediblər.
Elchi.az MedicalXpress jurnalı-na istinadən xəbər verir ki, Texas Universitetinin Cənub-Qərb Tibb Mərkəzinin tədqiqatçıları kofein içməyin aritmiya (qeyri-müntəzəm ürək ritmi) olan insanlar üçün zərərli olması barədə mifi təkzib ediblər.
“Tədqiqatlar göstərdi ki, kofeinin normal miqdarda içilməsi ya riskin artması ilə əlaqəli deyil, ya da atrial fibrilasiya riskini azaldır” məqalə müəllifləri deyib.
Qeyd edilir ki, kofenin normada içilməsi nəinki aritmiya inkişaf riskini artırmır, həm də sonrakı həyatda ürək çatışmazlığının inkişaf riskini azaltmağa kömək edə bilər.
Tədqiqat müəllifləri xatırladıblar ki, böyüklər üçün təhlükəsiz gündəlik kofein dozası 400 milliqramdır ki, bu da dörd-beş fincan qəhvəyə uyğundur. Bununla belə, kofeinə həssas olan insanlar hələ də ehtiyatla qəhvə içməlidirlər, çünki bu, onların rifahının pisləşməsinə səbəb ola bilər.
Şayəstə Hüseynova
