HƏMAS-ın hərbi qanadı İzzəddin əl-Qəssam Briqadaları Qəzza zolağında İsrailə məxsus 5 hərbi maşını məhv etdiklərini açıqlayıb.Qəssam Briqadaları məsələ ilə bağlı Telegram hesabında açıqlama verib.
Elchi.az xəbər verir ki, açıqlamada Qəzzanın şimalında Şatii Qaçqınlar Düşərgəsi və Əl-Şeyx Rıdvan bölgəsi yaxınlığında 4 İsrail hərbi maşınının “Yasin-105” tank əleyhinə raketlərlə məhv edildiyi bildirilib.
Qeyd edilib ki, Qəzzanın cənubunda Tel əl-Hevaya daxil olan İsrail ordusuna məxsus tank “Yasin-105” tank əleyhinə raketlə vurulub.
Qəzzanın cənub-qərbindəki Cuhr əl-Dik qəsəbəsinə daxil olan İsrail əsgərlərinin hava topları ilə hədəfə alındığı bildirilib.
Şayəstə Hüseynova
