Fələstin-İsrail münaqişəsinin kəskinləşməsi səbəbindən 123 mindən çox fələstinli Qəzza zolağında evlərini tərk etmək məcburiyyətində qalıb.
Elchi.az xəbər verir ki, bu barədə BMT-nin Humanitar Məsələlərin Koordinasiyası İdarəsinin yaydığı hesabatda qeyd olunub.
Bildirilib ki, dünən axşam saatlarına olan məlumata görə, 123 538 fələstinli evini tərk edib.
Qeyd edək ki, 7 oktyabrda HƏMAS “İslami-Cihad”la birgə İsrailə qarşı “Əqsa tufanı” əməliyyatına başlayıb. Nəticədə çoxsaylı insan ölüb və yaralanıb.
İsrail ordusu bunu müharibə kimi qəbul edib və əks-hücuma başlayıb.
