Dünən bir qrup şəxs Həzi Aslanov – Dərnəgül xəttində 30 saylı marşrut üzrə hərəkət edən qatara 1566 saylı vaqona maddi zərər vurublar.
Elchi.az xəbər verir ki, bunu “Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib.
“Azərbaycanın “Qarabağ” və Gürcüstanın “Samtredia” futbol klubları arasında Çempionlar Liqasının II təsnifat mərhələsi çərçivəsində Tofiq Bəhramov adına stadionda keçirilən ilk oyundan çıxıb “Gənclik” stansiyasında Həzi Aslanov – Dərnəgül xəttində 30 saylı marşrut üzrə hərəkət edən metroya minən bəzi vətəndaşlar ictimai istifadədə olan, hamımızın vergisi hesabına formalaşan büdcə vəsaiti hesabına alınan 1566 saylı vaqona əllərindəki bayraqların zopaları ilə vaqona və videomüşahidə kamerasına zərər veriblər”, – deyə N.Paşayev bildirib.
