Oktyabr ayında kütləvi qatil Breivikin atasının kitabı çıxacaq.
“Mənim səhvim? Atanın hekayəti” adlı kitabda Jens Breyvik yazır ki, “mən özümü bir az günahkar sayıram və hiss edirəm ki, bir az məsuliyyət daşıyıram. Mən daha yaxşı ata olsaydım, görəsən nə olardı? Anders etdiyini edərdimi?”
Nasist və millətçi baxışları təbliğ edən Anders Behring Breyvik 2011-ci ildə Osloda və Utoya adasında 77 adamı öldürdüynə görə 21 il həbs cəzasını çəkir.
Onun atası – vaxtilə diplomat olan Jens Breyvik istefaya çıxanda Fransaya köçüb. Andersin 1 yaşı olanda o, Andersin anasından ayrılıb.
Anders yeniyetmə olanda isə onunla əlaqəni tam itirib.
Jens Breyvikin kitabı “özünə məhkəmə” üslubunda yazılıb.
Onun redaktoru Arve Juritzen deyir ki, “o özü ilə çox sərtdir” (“Azadlıq” radiosu).
