Qazaxıstanın Əfqanıstanla qarşılıqlı ticarəti inkişaf etdirmək üçün Herat şəhərində ticarət evi açacağı açıqlanıb.
Elchi.az xəbər verir ki, Qazaxıstan Baş Nazirliyinin verdiyi açıqlamaya görə, Qazaxıstanın ticarət və inteqrasiya naziri Serik Jumanqarinin başçılıq etdiyi işgüzar nümayəndə heyəti Əfqanıstanın paytaxtı Kabildə danışıqlar aparıb.
Nümayəndə heyəti burada Qazaxıstan-Əfqanıstan biznes forumunda iştirak edib.
Forumda nazir Jumanqarin Qazaxıstanın Əfqanıstanda ticarət evi açacağını açıqlayıb.
İki ölkə arasında ticarət və iqtisadi əlaqələrin inkişaf etdirilməsi məqsədilə açılacaq ticarət evinin baş ofisi Əfqanıstanın Herat şəhərində fəaliyyət göstərəcək.
Nuranə Məmmədova
