Rusiyanın enerji şirkəti “Qazprom”un prezidenti Aleksey Miller şirkətin 2022-ci il fəaliyyəti ilə bağlı verdiyi açıqlamada, “Qazprom”un bu il 412,6 milyard kubmetr təbii qaz hasil etdiyini bildirib.
Elchi.az Trthaber.com.tr-yə istinadən xəbər verir ki, Miller bu il qlobal təbii qaz tələbatının 65 milyard kubmetr azaldığını bildirib.
Sözügedən azalmanın əsasən 55 milyard kubmetrlə 27 Avropa ölkəsində yaşandığına diqqət çəkən Miller “2022-ci ilin çox çətin bir il olduğunu bildirmək istərdim. Enerji bazarlarında ümumi dəyişikliklər oldu”-deyib.
Miller həmçinin bildirib:
“Biz əlbəttə ki, gələcəyimizi, yeni layihələrimizi və enerji təhlükəsizliyini düşünürük”.
“Türk axını” və “Mavi axın” təbii qaz boru kəmərlərinin etibarlı şəkildə işləməyə davam etdiyinə diqqət çəkən Miller qeyd edib:
“İndi Türkiyə ilə birlikdə bu ölkədə təbii qaz mərkəzi layihəsi üzərində işləməyə başlamışıq. Qərar iki dövlətin rəhbərləri tərəfindən qəbul edilib və biz artıq onun praktiki icrasına başlamışıq. Təbii qaz mərkəzi qaz bazarında şəffaf və ədalətli qiymətləri təmin edəcək”.
Miller yaxın vaxtlarda Çinə ildə 48 milyard kubmetr təbii qaz nəql edəcəklərini vurğulayıb:
O qeyd edib ki, Monqolustan üzərindən göndərilməsi planlaşdırılan həcm əlavə edildikdə, ümumi yükün 100 milyard kubmetrə çatdırılması planlaşdırılır”.
Yeganə
