Qırğızıstanda qızılcaya yoluxma hallarında kəskin artım qeydə alınıb.
Elchi.az RİA Novosti-yə istinadən xəbər verir ki, Respublika Səhiyyə Nazirliyinin mətbuat xidmətinin verdiyi məlumata görə , 2023-cü ildə ölkədə artıq 3289 xəstə aşkarlanıb.
Xəstəliklərin əksəriyyəti 4 yaşa qədər uşaqlardır. Ən çox yoluxma Bişkekdə (989 nəfər), Oşda (321), həmçinin Oşda (683), Çuyda (515) və Cəlal-Abad vilayətlərində (501) aşkar edilib. Səhiyyə Nazirliyi qeyd edib ki, ötən il respublikada qızılcaya yoluxma halı cəmi bir, 2021-ci ildə isə üç hadisə qeydə alınıb.
“Ümumilikdə qızılca ilə bağlı vəziyyət gərgin olaraq qalır. Dərs ilinin əvvəlindən ümumtəhsil məktəblərində və məktəbəqədər təhsil müəssisələrində şagirdlər, peyvənd olunmayan uşaqlar arasında xəstəliklərə daha çox rast gəlinir”, – deyə idarədən bildirilib.
Xəstəliyin artması ilə əlaqədar bir sıra təhsil müəssisələrində karantin tətbiq edilib. Uşaqlar distant təhsilə keçirilib.
Nuranə Məmmədova
