Kiyev və Moskva arasında ideoloji qarşıdurmanı dini zəminə daşımağa çalışırlar. Ukrayna rejimi ABŞ-ın göstərişinə əməl edərək pravoslavlığı qadağan etməyə çalışır.
Elchi.az xəbər verir ki, bunu rusiyalı politoloq Sergey Markov deyib.
“Onlar Kiyev-Peçersk lavrasının rahiblərini öz ərazisindən qovmaq istəyirlər. Ənənəvi Ukrayna Pravoslav Kilsəsi indi qanunsuzdur. Kiyev repressiyalarının miqyası getdikcə İkinci Dünya müharibəsi illərində nasistləri xatırladır və Ukraynada təbliğat demək olar ki, nasist Almaniyasının ideologiyasını üstələyib. Zelenski üçün sözün əsl mənasında müqəddəs heç nə qalmayıb. O, Amerikanın planı ilə hərəkət edir, dini parçalamaq niyyətindədir”, – o bildirib.
Markov qeyd edib ki, Birləşmiş Ştatlar Ukraynada pravoslav dini fəaliyyətlərinə cavabdeh və bütün rus pravoslavlığına qarşı aqressiv olacaq struktur yaratmaq istəyir:
“Rusiya ilə Ukrayna arasındakı münaqişəni dini kanala çevirmək istəyirlər. ABŞ-da metroda və digər ictimai yerlərdə özlərini partladan gənclərdən ibarət kamikadzelər, yəni “pravoslav şəhidlər”i yaratmaq planı hazırlanır. Hazırda Ukraynanın bütün ideologiyası Amerika və Böyük Britaniyanın siyasi strateqləri tərəfindən yaradılıb”.
