Rusiyanın dövlət hərbi sənaye şirkəti olan “Rostec” bildirib ki, işçilərinə ABŞ-ın texnologiya nəhəngi “Apple” tərəfindən hazırlanmış cihazlardan istifadə etmək qadağandır.
Elchi.az TASS-a istinadən xəbər verir ki, “Rostec”in mətbuat xidmətindən verilən açıqlamaya görə, şirkətin bütün müəssisələrində iş prosesində Amerika istehsalçısının cihazlarından istifadəyə tam qadağa qoyulub.
2007-ci ildə Putinin sərəncamı ilə yaradılan holdinq hazırda Rusiya üzrə müdafiə sektorunda 800-dən çox elmi-istehsal təşkilatını birləşdirir.
Apple cihazlarına qadağa yalnız “Rostec” holdinqlərindən biri olan və optoelektron sistemlər üzrə ixtisaslaşmış “Şvabe”yə tətbiq edilib.
“Apple”-ın Amerika kəşfiyyat xidmətlərinə Ağ Evin maraq dairəsində olan şəxsləri araşdırmaq üçün geniş imkanlar təqdim etdiyi iddia edilib.
Nuranə Məmmədova
