Ukrayna Müdafiə Nazirliyinin açıqlamasında belə yazılıb 
“Rusiya atəşkəs rejiminə əməl etmir”.
Sentyabrın 7-də səhər saatlarında Ukrayna Müdafiə Nazirliyinin yaydığı açıqlamada belə deyilir.
Sənəddə bildirilir ki, tərəflər arasında əldə edilən razılaşmaya baxmayaraq sentyabrın 6-da axşam saatlarında Rusiya silahlı birləşmələri Mariupol vilayətində bir neçə istiqamətdə hərbi əməliyyatları davam etdiriblər.
Həlak olanlar, xəsarət alanlar var.
Sentyabrın 6-sı gecə saatlarında Mariupol xəstəxanasına ürəyindən güllə yarası alan qadın gətirilib. Həkimlər 33 yaşılı qadını xilas edə bilməyib. Ukrayna qaynaqları xəbər verir ki, qadın övladları ilə şəhərdə gəzərkən bilinməyən istiqamətdən güllə yarası alıbmış.
Ukrayna Müdafiə Nazirliyinin sözçücü Gennadi Tımçuk Facebook səhifəsində yazır ki, Silahlı Qüvvələr Minskdə əldə edilən atəşkəs rejiminə əməl edir: “Atəşlər birtərəfli qaydada susub. Ötən gün Rusiya qoşunları Donetsk hava limanını atəş altında saxladı. Mariupolda isə Ukrayna Silahlı Qüvvələrinin mövqeləri, həm də mülki binalar atəşə tutulub”.
Rusiya qaynaqları isə yazır ki, sentyabrın 6-da Ukrayna Silahlı Qüvvələri artelleriya atəşi ilə Rusiyanın bir tankını məhv edib.
