Rusiya Cənubi Kipr Rum Administrasiyasına (GCASC) rusiyalı jurnalistin saxlanılması və rus diplomatın yaralanması ilə bağlı nota göndərib.
Elchi.az Anadolu Agentliyinə istinadən xəbər verir ki, Rusiya Xarici İşlər Nazirliyindən verilən açıqlamada Yunan Kipr Administrasiyasının Moskvadakı səfiri Kipros Yorqalisin nazirliyə çağırıldığı bildirilib.
Məlumata görə, “Rossiyskaya qazeta”nın müxbiri Aleksandr Qasyukun Cənubi Kipr Rum administrasiyasında saxlanılması və Rum səfirliyində çalışan diplomatın təhlükəsizlik qüvvələri tərəfindən yaralanması ilə bağlı Yorqalisə Rusiyanın notası göndərilib.
Yorqalisə məlumat verilib ki, rusiyalı jurnalistin dərhal azadlığa buraxılması və hadisə ilə bağlı rəsmi üzr istənilməsi gözlənilir.
“Bu təxribatın təşkilində Qərb kəşfiyyat orqanlarının əli olduğunu düşünmək üçün əsaslar var”, – bəyanatda deyilir.
Nuranə Məmmədova
