Rusiyanın Ermənistandakı Erebuni aviabazasına ilin ikinci yarısında “MiQ-29” çoxhədəfli yüngül qırıcıları gətiriləcək.
“RİA Novosti” xəbər verir ki, bu barədə Rusiyanın Cənub Hərbi Dairəsinin mətbuat xidməti xəbər yayıb.
“2016-ci ilin ikinci yarısında Rusiyanın Ermənistan Respublikasında yerləşən Erebuni bazasına dördüncü nəsil “MiQ-29” çoxhədəfli yüngül qırıcıları və 1 ədəd “Mi-8″ nəqliyyat vertolyotu gətiriləcək”, – deyə məlumatda bildirilir.
Qeyd edək ki, Rusiya Silahlı Qüvvələri dekabrın 8-i və 21-i Ermənistandakı bazaya hərbi və nəqliyyat helikopterləri göndərib.
