Böyük Britaniyanın keçmiş Baş naziri Liz Trassın şəxsi smartfonu Rusiya xüsusi xidmət orqanlarında işlədiyi iddia edilən hakerlər tərəfindən sındırılıb.
Elchi.az Tass-a istinadən xəbər verir ki, bu barədə Britaniyanın “Mail On Sunday” qəzeti öz saytında məlumat verib.
Nəşrin müxbirləri krallığın dövlət təhlükəsizlik orqanlarındakı mənbələrə istinad edərək bildirirlər ki, Trassın Britaniya Xarici İşlər Nazirliyinin rəhbəri vəzifəsində çalışdığı vaxt onun telefonu sındırılıb. Hücumçular ötən il ərzində Trassın yazışmalarına, o cümlədən məxfi məlumatları, London və onun əsas müttəfiqləri arasında aparılan danışıqların təfərrüatları, habelə Ukraynaya silah tədarükü ilə bağlı məlumatlar olan mesajları əldə ediblər.
Hadisə ilə bağlı məlumatın keçən aya qədər Böyük Britaniya hökumətinə rəhbərlik etmiş Boris Consonun tələbi ilə gizlədildiyi iddia edilir.
Publika Trussın oktyabrın 20-də – vəzifəyə gəldikdən cəmi 50 gün sonra tərk etdiyi baş nazirliyə gedən yolda maneə ola bilərdi.
Rusiya hakimiyyəti Qərb ölkələrinin kiberhücumlarda əli olmaq ittihamlarını dəfələrlə rədd edib.
Yeganə
