Rusiya Ukraynanın paytaxtı Kiyevi və ölkənin şimalındakı Xarkov şəhərini vurub. Ukrayna Fövqəladə Xidməti Xarkovda 1 nəfərin öldüyünü, 41 nəfərin yaralandığını açıqlayıb. Kiyevdə 2 nəfər ölüb, 20 nəfər yaralanıb.
Ukrayna Fövqəladə Hallar Xidmətinin bəyanatında deyilir:
Elchi.az xəbər verir ki, Kiyevdə fövqəladə hallar xidmətləri 7 yanğının baş verdiyi 6 regionda işləyir: Obolonski, Peçerski, Podilski, Solomyanski, Svyatoşinski və Desnyanski rayonları. Solomyanski rayonunda hündürmərtəbəli binadan 130-dan çox insan təxliyə edilib.
Ümumilikdə paytaxtda 20-dən çox insan xəsarət alıb. Kiyev vilayətində Boryspil, Buça və Fastiv zərər çəkib. Fastiv ərazisində yaşayış binasında baş verən yanğın söndürülüb.
Xarkov şəhərinin mərkəzində də hücumlar olub. İlkin məlumata görə, 1 nəfər ölüb, yaralananların ümumi sayı 41-ə çatıb. Ölən və yaralananların sayı ilə bağlı məlumat dəqiqləşdirilir.
Şayəstə Hüseynova
