İlkin ssenariyə əsasən, Rusiya və Ukrayna sərhədində eskalasiyanın müharibəyə çevrilməsi gözlənilmir.
Elchi.az xəbər verir ki, bu barədə “Fitç” beynəlxalq reytinq agentliyində dərc olunan hesabatda bildirilib.
“İşğalın strateji hesablanması qeyri-müəyyən olaraq qalır və bizim ilkin ehtimalımıza görə, vəziyyətin Ukrayna ilə genişmiqyaslı müharibəyə qədər gərginləşməsi gözlənilmir”, – hesabatda deyilir.
“Fitç” analitikləri hesab edir ki, Rusiya hərbçilərinin Ukrayna ilə sərhəddə cəmləşməsi ilə bağlı məlumat geosiyasi və sanksiya risklərini artırır.
Qeyd edək ki, ABŞ kəşfiyyatı Rusiyanın 2022-ci ildə Ukraynaya müdaxilə etməyi planlaşdırdığını iddia edib.
