Rusiya və İran enerji sektorunda Qərbin hegemonluğuna müqavimət göstərmək çərçivəsində “qaz OPEK”i yarada bilər.
Elchi.az News.am-a istinadən xəbər verir ki, bu barədə “Suriya Əl-Vətən” qəzeti yazır:
“Qərb hegemonluğuna qarşı mübarizə aparan Rusiya qaz bazarında iki ən böyük rəqib arasında rəqabət layihəsi hazırlamaq üzərində işləyir. Moskva təkcə Türkiyənin qaz qovşağının yaradılmasında deyil, həm də İranın enerji mərkəzinin yaradılmasında iştirak edəcək. Bu, bütün dünyanı təəccübləndirdi, çünki İranın mavi yanacağı Rusiya qazının rəqibidir. Yəni Rusiya və İran digər ölkələrlə birgə “Qaz OPEK” yaratmağa hazırlaşır”.
Nəşrdə qeyd olunub ki, ən böyük enerji güclərinin yeni birgə layihəsi qərb ölkələrini qorxudur. O, reallaşarsa, Rusiya digər ölkələrlə birlikdə enerji bazarının böyük bir hissəsinə nəzarət edəcək.
Məqalə müəllifləri əlavə ediblər ki, Rusiya və İran bir çox qərb sanksiyalarından uğurla yan keçə bilər, çünki layihənin potensialı böyük siyasi və iqtisadi çəkiyə malikdir. Bundan əlavə, iki ölkə dünyanın ən böyük qaz ehtiyatlarına malikdir ki, bu da Moskva və Tehranın Qərbin məhdudiyyətlərindən yan keçmək imkanlarını təsdiqləyir və ABŞ, Avropa üçün kabusa çevriləcək uğurlu layihə yaradacaq.
Yeganə
