Norveç Silahlı Qüvvələri Norveç və Barents dənizlərində transsərhəd əməkdaşlıq və təhlükəsizlik üzrə konstruktiv dialoq barədə məlumat verib.
Elchi az xəbər verir ki, bu barədə ölkə silahlı qüvvələrinin Birləşmiş Qərargah rəisi general-leytenant Yngve Odlo ilə Rusiya Federal Təhlükəsizlik Xidmətinin Qərbi Arktika üzrə Sərhəd İdarəsinin rəisi arasında keçirilən görüşün yekunlarına dair ölkə silahlı qüvvələrinin press-relizində qeyd olunub.
“Norveç tərəfində bu görüşlər zamanı müzakirələr və peşəkar söhbətlər həmişə konstruktiv qəbul edilib”. Norveç Silahlı Qüvvələrinin hesabatında deyilir: “Söhbət sərhədyanı əməkdaşlıq, xilasetmə sahəsində əməkdaşlıq və balıqçılıq sahəsində ümumi problemlərlə bağlı konkret məsələlərdən gedir”.
Həmçinin bildirilir ki, tərəflər arasında Barents və Norveç dənizlərindəki problemlərin açıq rabitə kanalları sistemi vasitəsilə birgə həllinin zəruriliyi barədə razılıq var.
Havar Şəfiyeva
