Bu, digər məsələlərlə yanaşı, nəqliyyat, ekologiya, sənaye təhlükəsizliyi, rabitə sahələrinə də aiddir.
Elchi.az xəbər verir ki, Rusiya hökuməti müəyyən fəaliyyət sahələrində müəssisələrin sahib olduğu icazələrin müddətini 2023-cü ilin sonuna qədər uzatmaq qərarına gəlib.
Ehtimal olunur ki, bu tədbir sahibkarların diqqətini biznesin inkişafına yönəltməyə imkan verəcək. Bu barədə yanvarın 26-da Nazirlər Kabinetinin iclasında Rusiyanın baş naziri Mixail Mişustin məlumat verib.
– 2023-cü ilin sonuna qədər müəyyən ərazilərdə müəssisələrin sahib olduğu icazələr qüvvədə olacaq. Bu, digər məsələlərlə yanaşı, nəqliyyat, ekologiya, sənaye təhlükəsizliyi, rabitə, televiziya və radio yayımı, baytarlıq dərmanlarının və yem əlavələrinin dövriyyəsinə aiddir. Mişustin bildirib ki, bu rejim artıq keçən il tətbiq edilib.
Ümumilikdə, sahibkarlar tərəfindən əvvəllər alınmış 100-dən çox icazə növü bu ilin sonuna kimi qüvvədə olacaq.
Daha əvvəl bildirilmişdi ki, 2023-cü ildə öz biznesinizi inkişaf etdirmək üçün pul qazanmağın çox real yolları var. O cümlədən, tələb olunan məbləğ dövlətdən götürülə bilər. Subsidiya təsdiq olunarsa və sahibkar bütün şərtlərə əməl edərsə, pulu geri qaytarmaq lazım olmayacaq.
Şayəstə
