Rusiyada erməni əsilli iki media maqnatı – Aram Qabrelyanov və onun oğlu Aşot Qabrelyanov milyard rubl 
dəyərində fırıldağın təşkilində şübhəli bilinirlər.
dəyərində fırıldağın təşkilində şübhəli bilinirlər.musavat.com-un erməni KİV-ə istinadən verdiyi xəbərə görə, aktivlərində odioz “Life News” telekanalının da olduğu “News Media” nəşriyyat evinin sahibi Aram Qabrelyanov istehsal şirkəti “Tseomaks”ın səhmlərini özgələşdirərkən ilişib. Həmin səhmlərin bazar qiyməti isə 1 milyard rubldan artıq qiymətləndirilir.
Təhqiqat zamanı müəyyən edilib ki, Qabrelyanovlar “Tseomaks”ın iki səhmdarını rüşvətlə ələ alıblar, sonra isə saxta sənədlərdən istifadə edilməklə sxemi işə salıblar və bazar prosedurlarından yan keçməklə şirkətin səhmlərini 250 dəfə ucuz, bazardakı balans dəyərindən isə 600 dəfə aşağı qiymətə ələ keçirə biliblər. Sənədlərin hamısı ata və oğul Qabrelyanlar tərəfindən imzalanıb.
Hələlik onlar haqda hansı hüquqi ölçü götürüləcəyi bəlli deyil.
