Rusiyada Vaqner böhranının düyünü açıldı. Moskva administrasiyası ilə Vaqnerin lideri Priqojin razılığa gəlib. Qərarın “qan tökülməsinin qarşısını almaq üçün” qəbul edildiyi bildirilib.
Elchi.az xəbər verir ki, Vaqnerin lideri Yevgeni Priqojin Moskva administrasiyası ilə razılaşdı.
Bu barədə razılıq Belarus prezidenti Aleksandr Lukaşenkonun əvvəlcə Rusiya prezidenti Vladimir Putinlə, sonra isə Yevgeni Priqojinlə apardığı danışıqlardan sonra əldə olunub.
“Qanlı qırğına başlamağın yolverilməzliyi” barədə razılığa gəliblər
Belarus prezidentinin mətbuat idarəsindən verilən açıqlamada Lukaşenkonun Priqojinlə görüşünün bütün gün davam etdiyi bildirilib. “Danışıqların sonunda Rusiya torpaqlarında qanlı qırğın başlanmasının yolverilməzliyi barədə razılıq əldə olunub”, – deyə məlumatda bildirilir.
Şayəstə Hüseynova
