Rusiyanın Orenburq vilayətində baş verən sel fəlakətində Orsk şəhərində bəndin partlaması ilə ən azı 10 min evi su basıb, 230 min əhalisi olan şəhərdə isə 6 min 100 nəfər təxliyə edilib.
Elchi.az xəbər verir ki, Rusiyanın Orenburq vilayətinə yağan şiddətli yağış nəticəsində Orsk şəhərinin ərazisindən keçən Ural çayı suyun səviyyəsinin qalxması nəticəsində qurduğu bənddən daşıb.
Orsk meri Vasili Kozupitsa bildirib ki, şəhərin ikinci çayı olan Yelşanka daşıb və ərazidə yaşayanların təxliyəsi üçün tədbirlər görülüb. Orsk şəhərində 3-ü uşaq olmaqla 9 nəfər xəstəxanaya yerləşdirilərkən, onların xəsarətlərinin həyati təhlükəsinin olmadığı açıqlanıb.
Orsk şəhərində bəndin partlaması ilə 230 min əhalisi olan şəhərdə ən azı 10 min evi su basıb, 6 min 100 insan təxliyə edilib. Şəhərdəki 40 məktəbdən 15-i sel sularına təslim olub. Su basmış ərazidə yaşayan insanlar evlərini kanoe ilə tərk etməli olublar. Orenburq vilayətinin qərbində yerləşən Buzuluk qəsəbəsində Samara çayının suyunun artdığı və bölgədə lazımi ehtiyat tədbirlərinin görüldüyü bildirilib.
Səlahiyyətlilər 310 min əhalisi olan Kurqanda çay kənarındakı məhəllələrdə yaşayanlara sel sularının qısa müddətdə şəhərə çatacağı təqdirdə ərazini tərk etmələri barədə xəbərdarlıq edib.
Orenburq vilayətinin qubernatoru Denis Pasler qeyd edib ki, şəhəri vuran daşqın, qeydlər aparılmağa başlayandan bəri bölgədəki ən böyük sel fəlakətidir. Pasler əlavə edib ki, Orenburq vilayətindən, oradan Qazaxıstandan keçərək Xəzər dənizinə axan 2400 km uzunluğunda Ural çayı boyunca daşqın olub.
Ən azı 550 min insanın yaşadığı Orenburq şəhərinin meri Sergey Salmin “Sel suları gəlir və yaxın günlərdə suyun səviyyəsi daha da artacaq. “Sellə bağlı vəziyyət kifayət qədər kritikdir” – deyib.
Nuranə Məmmədova
