Rusiyanın Sibir bölgəsində yerləşən Yakutiyada termometrlər mənfi 56 dərəcəni göstərərkən, paytaxt Moskva ağ rəngə büründü.
Elchi.az xəbər verir ki, Rusiyada qışın gəlməsi ilə havanın temperaturu aşağı düşüb. Rusiyanın Sibir bölgəsində yerləşən Yakutiyada havanın temperaturu mənfi 50-dən aşağı düşüb.
Yakutiyada yerləşən Yakutskda havanın temperaturu mənfi 44 ilə mənfi 47 arasında ölçüldüyü halda, Oymyakonda axşam saatlarında havanın temperaturu mənfi 56 dərəcə olaraq qeydə alınıb.
Mütəxəssislər külək və rütubəti nəzərə alsaq, Oymyakonda temperaturun mənfi 60 dərəcədən çox hiss ediləcəyini və gecə ərzində temperaturun daha da aşağı düşəcəyini bildiriblər.
Rusiya Milli Meteorologiya Xidmətindən verilən açıqlamada deyilir: “Dekabrın ilk həftəsində Rusiyanın Avropa hissəsində, Ural və Sibir bölgələrində şaxtanın artacağı gözlənilir”.
Nuranə Məmmədova
