Rusiya prezidenti Vladimir Putin 50-ci özüyeriyən artilleriya alayına “Qvardiya” fəxri adı verib. Bununla bağlı Rusiya prezidenti Vladimir Putin fərman imzalayıb.
Elchi.az bu barədə Rusiyanın mk.ru saytına istinadən xəbər verir.
Rusiya Federasiyası Silahlı Qüvvələrinin bölməsi bu ada şəxsi heyət tərəfindən göstərilən kütləvi qəhrəmanlıq və cəsarətə görə layiq görülüb. Müvafiq fərman mayın 17-də rəsmi hüquqi informasiya portalında dərc olunub. Sənəd imzalandığı gündən qüvvəyə minib.
“Alayın şəxsi heyətinin silahlı münaqişələrdə Vətənin və dövlət maraqlarının müdafiəsi istiqamətində döyüş əməliyyatlarında göstərdiyi kütləvi qəhrəmanlıq və şücaətə görə qərara alıram: 50-ci özüyeriyən artilleriya alayına “Qvardiya” fəxri adı verilsin”,- deyə Putinin imzaladığı fərmanda qeyd olunub.
Xatırladaq ki, martın 27-də Vladimir Putin üç hissəyə “Qvardiya” adını vermişdi. Bunlar 346-cı Əlahiddə Xüsusi Təyinatlı Qüvvələr Briqadası, Jukov ordenli 10-cu Əlahiddə Təyinatlı Qüvvələr Briqadası və 25-ci Əlahiddə Təyinatlı Alayı idi.
Yeganə
