Rusiya Suriya prezidenti Bəşər Əsədə dəstək üçün Şamda yerləşən hərbi hava limanına 6 “MGİ-31” hərbi təyyarəsi göndərib.
Musavat.com-un məlumatına görə, təyyarələr Rusiya-Suriya arasında 2007-ci ildə imzalanan müqavilə çərçivəsində göndərilib. Bu təyyarələr yenilənmiş radarları ilə 200 km-lik bir ərazini nəzarətdə saxlamaq gücünə malikdir.
Təyyarələrin əsl vəzifəsi isə yüksəklikdə kəşfiyyat və hücumun qarşısını almaqdır.
Qeyd edək ki, İŞİD-ə qarşı koalisiya qurmaq istəyən Moskva sabah İran xarici işlər naziri Cavad Zərifi qonaq edəcək.
