Rusiyanın Ali Məhkəməsi bu gün “beynəlxalq LGBT hərəkatını” ekstremizmdə ittiham edərək qadağan edib və ölkənin getdikcə mühafizəkarlaşdığı bir vaxtda LGBT+ hüquqlarını müdafiə edən hər hansı qrupa qarşı hüquqi tədbirlərə yol açıb.
Elchi.az xəbər verir ki, Hakim Oleq Nefedov “beynəlxalq LGBT hərəkatı və onun törəmə təşkilatları ekstremist kimi tanınmalı və onların fəaliyyətinə Rusiya Federasiyasının ərazisindən qadağa qoyulmalıdır” qərarını verdi.
Oleq Nefedov qadağanın “dərhal” qüvvəyə minəcəyini bildirib.
Rusiyada “beynəlxalq LGBT hərəkatı” adını daşıyan təşkilat olmadığı üçün məhkəmə müdafiəçisiz və iş “gizli” olduğu üçün bağlı qapılar arxasında keçirilib.
Bu ayın ortalarında Rusiya Ədliyyə Nazirliyi “beynəlxalq LGBT hərəkatının ekstremist təşkilat kimi müəyyən edilməsini” və hansı təşkilatı hədəf aldığını açıq şəkildə bildirmədən qadağan edilməsini xahiş edib.
Rusiyanın “qeyri-ənənəvi” seksual üstünlükləri ilə bağlı hər hansı fəaliyyət indi ağır həbs cəzası ilə cəzalandırılan cinayət sayılacaq.
İndiyədək LGBT+ şəxsləri hakimiyyətin “təbliğat” adlandırdığı fəaliyyətlə məşğul olarsa, külli miqdarda cərimə oluna bilər, lakin həbs oluna bilməzdi.
Şayəstə Hüseynova
