Rusiya tərəfinin diqqəti Ermənistanla Azərbaycan arasında ticarət-iqtisadi və nəqliyyat əlaqələrinin bərpası və inkişafına yönəlib.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova noyabrın 26-da Soçidə Rusiya, Ermənistan və Azərbaycan liderlərinin iştirakı ilə gözlənilən üçtərəfli görüşlə bağlı sualı cavablandırarkən deyib.
Onun sözlərinə görə, Rusiya, Ermənistan və Azərbaycan liderlərinin görüşlərini şərh etmək Rusiya Prezidentinin Administrasiyasının səlahiyyətindədir:
“Deyə bilərəm ki, biz bu regionda sabitliyin möhkəmləndirilməsi, dinc həyatın bərqərar olması üçün bütün mümkün addımları atırıq. Təbii ki, ticarət-iqtisadi və nəqliyyat əlaqələrinin bərpasına və inkişafına xüsusi diqqət yetirilir”.
