Rusiya Xarici İşlər Nazirliyinin sözçüsü Mariya Zaxarova Türkiyə ilə bağlı açıqlama verib. Zaxarova bildirib ki, Türkiyə ilə münasibətlərdə dövlət başçısının qarşılıqlı faydalı çoxşaxəli əməkdaşlığı inkişaf etdirmək niyyəti barədə bəyanatları diqqət mərkəzində olub.
Elchi.az xəbər verir ki, Zaxarova həftəlik mətbuat konfransında gündəmlə bağlı sualları cavablandırıb.
“Türkiyədə yeni hökumətin Rusiya və ABŞ ilə balanslaşdırılmış münasibətləri saxlamasını gözləyirsinizmi” sualına Zaxarova ilk növbədə ,Türkiyənin yeni seçilmiş prezidenti Ərdoğanın çoxşaxəli əməkdaşlığı inkişaf etdirməyə davam etmək niyyətində olan bəyanatlarına diqqət yetirdiklərini söyləyib.
Mətbuat katibi Zaxarova deyib: “Biz belə konstruktiv mövqeyi alqışlayırıq. Biz öz tərəfimizdən belə ikili anlaşmanın həyata keçirilməsini təşviq edəcəyik və gələcək nəticələri izləyəcəyik”.
Nuranə Məmmədova
