Prezident və baş nazir göstəriş verdi; iqtisadi böhran Rusiyanı silkələyir
“The Associated Press” agentliyinin xəbərində deyilir ki, Rusiya prezidenti Vladimir Putin Milad bayramı ilə bağlı nazirliklərin rəhbərlərinə müraciət edib. Prezident bildirib ki, indi uzunmüddətli bayram tətilini özümüzə rəva görə bilmərik. Ölkə iqtisadiyyatında bəlli problemlər olduğu bir vaxtda bu yolverilməzdir.
Agentlik qeyd edir ki, Rusiyada bayram yanvarın 1-dən 12-nə qədər davam edir. Ortodoks xristian ölkəsi olan Rusiyada yanvarın 7-si əsas bayram günü sayılır.
Televiziya ilə nümayiş etdirilən Nazirlər Kabinetinin iclasında Putin deyib: “Ən azı bu il biz belə uzunmüddətli bayram tətilinə çıxa bilmərik. Siz başa düşürsünüz ki, mən nəyi nəzərdə tuturam”.
