Qeyd olunur ki, münaqişədə uğur qazanmaq şansları Kiyevin xeyrinə deyil.
Elchi.az xəbər verir ki, köşə yazarı Riçard Kemp Britaniya Teleqrafı üçün yazdığı məqalədə yazır ki, Moskvanın Qərb dövlətlərinin dəstəklədiyi Ukrayna ilə münaqişədə qələbəsi Şimali Atlantika alyansının mövcudluğunu təhlükə altına qoyur.
Məqalədə qeyd edildiyi kimi, Rusiya tərəfinin qoşunların sayı, həmçinin tanklar, artilleriya və hava qüvvələri də daxil olmaqla bir sıra üstünlükləri olduğundan münaqişədə uğur qazanmaq şansı Kiyevin xeyrinə deyil.
Müşahidəçinin fikrincə, “Ukraynanın qələbəsi təminatdan çox uzaqdır” və Rusiyanın qələbəsi ilə NATO-nun mövcudluğu sualı ortaya çıxır.
“Qərb liderləri Vilnüsdə özlərinə sual verməlidirlər: əgər Şimali Atlantika Alyansının gücü ilə dəstəklənən Ukrayna Rusiyaya qarşı dura bilmirsə, onda NATO-nun nə mənası var?” – nəşrdə qeyd olunub.
Müşahidəçi istisna etmir ki, Almaniya kansleri Olaf Şolz və Fransa prezidenti Emmanuel Makron bu ilin sonuna qədər Ukraynanı sülh danışıqlarının zəruriliyinə inandırmaq cəhdlərini bərpa edəcəklər. Buna baxmayaraq, Kempin fikrincə, bu cür hərəkətlər Amerika lideri Co Baydenin ABŞ Konqresindəki mövqeyini sarsıdacaq və respublikaçılar Ukraynaya hərbi tədarükü azaltmaqla yaranmış vəziyyətdən istifadə edə biləcəklər.
Şayəstə Hüseynova
