İtaliya kənd təsərrüfatı Rusiyanın Qərbə qoyduğu ərzaq embarqosu ucbatından 1 milyard 250 milyon dollar itirib.
Avropa.info xəbər verir ki, bu barədə İtaliya kənd təsərrüfatı nazirliyi məlumat verib. 2015-ci ilin ancaq yanvar ayında İtaliyanın Rusiyaya ixrac etdiyi mallar 37% azalıb. Bu 246 milyon dollar itki deməkdir. Zərər isə artmaqda davam edir. 2014-cü ilin avqustunda bu məbləğ 33 milyon avro idisə, oktyabrda 166 milyon olub.
Ən ciddi zərbə tərəvəz, pendir, mal əti satan fermerlərə dəyib. İtaliyanın mebel, avtomobil sahələri də öz payını alıb.
Rusiyaya tətbiq edilən sanksiyalara cavab olaraq tətbiq edilən embarqo nəticəsində Avropa Birliyi 21 milyard dollar itirib.
