Azərbaycan milli komandasının üzvü Ruslan Abışov məxsus olduğu Rusiyanın “Rubin” klubuna geri dönür.Derbi.Az xəbər verir ki, 27 yaşlı futbolçunun dekabr ayının 18-i hazırda çıxış etdiyi “Qəbələ” ilə müqaviləsinin vaxtı başa çatacaq. “Qırmızı-qaralar”ın mətbuat xidmətindən aldığımız məlumatına görə, klub Ruslan barəsində hələ tam qərar verməyib.
Məsələni tam dəqiqləşdirmək üçün Abışovun həm meneceri, həm qardaşı olan Sərxan İbrahimoğluna müraciət etdik. Sərxan saytımıza açıqlamasında Ruslanın “Rubin”ə geri dönəcəyini bildirib:
“Ruslan yanvar ayının 13-ü “Rubin”in heyətində Antaliyada təlim-məşq toplanışı keçəcək. Hələlik ən son məlumat budur. Transfer haqqında danışmaq tezdir. Çünki Ruslan hazırda “Qəbələ”nin futbolçusudur və o bütün fikrini qarşıdakı çətin oyunlara yönləndirib”.
